Erdepfe - Geschichten_by_v3

Erdepfe

Wia’s nachada im Friajohr wieda aufganga is mid’m Weda, hama aa de Erdepfe glegt.
Nochdem des Fejd hergricht war, is de Erdepfelegmaschi a d' Hydraulik vom Bulldog hibaut worn. Des war a G’schtej, amad zwoa Kistn fia die Saatkardoffen und hint’n zwoa Sitzplätz, auf dene meistens zwoa vo de Kinder gsessen hand. De hamd de Erdepfe aus da untn offan Kistn raus glaubt und bei jedm Gloggnschlag in a Rohr eine g’warfa. Des Rohr hod undn an Bodn vorm Bifangpfluag aufg’heard. Dort’n hand de Erdepfe vor dem grod aufgaggerden Bifang ause gfoin. Mid’m Stützradl hintn is je noch Fohrgschwindigkeit umara olle oanahob Sekundn a Gloggn ogschlong worn, wo bei jedm Schlog a Erdapfe eigschmissn hod wern miassn. Oft gnua hod ma de Gloggn oafach iwahead und Erdapfe is hoid do grod koana aufganga…

Kartoffel legen; [HLBV1]

Tellerlegemaschine; [MHIN1]

Weil de Gloggn oiwei iwahead won is, hods nachad aa irgendwann a andas Badaent gem, wo de Erdepfe in a obteilds dra'ads Della eiglegt worn hand. Wen se des Della an de richtige Schtej hi draht hod, is der Eardapfe durch’s Rohr owe gfoin.

An Hiagscht hamma de Erdepfe nachad wieda ausgrom. Jedn Dog noch da Schui hand mia do wochalang beim Erdepfeglaum an Agga daust gwen. Nochdem's mi'm Erdepferoda ausgaggad worn hand, hammas hendisch an Kar eine glaubt und mid'm Wong hoam gfohnr. Firn Winda hands eiglagad worn im Keija, an Bafa hindn, nem da Hopfadar oda dausdn in da Erdepfe-Midn..

Kartoffelroder wie in Inzkofen benutzt; [BYW31]